Local Self Government Dept, Govt. of Kerala
 
 
 
Kerala Govt Logo
 
 
Home
 
 

സ്വരാജ് ട്രോഫി

അധികാര വികേന്ദ്രീകരണത്തിലും വികേന്ദ്രീകൃതാസൂത്രണത്തിലും ഒരു വിസ്മയമാണ് കേരളത്തിലെ തദ്ദേശ സ്വയംഭരണ സ്ഥാപനങ്ങള്‍ . പല തദ്ദേശഭരണ സ്ഥാപനങ്ങളും ആരോഗ്യകരമായ ഒരു മത്സര സ്വഭാവത്തോടെയാണ് ഭരണ വികസനക്ഷേമ പ്രവര്‍ത്തനങ്ങള്‍ നടത്തി വരുന്നത്. ഈ രംഗത്ത് മികച്ച പ്രകടനം കാഴ്ചവയ്ക്കുന്ന പഞ്ചായത്തുകളെ ആദരിക്കുന്നത് ഈ സ്ഥാപനങ്ങള്‍ക്ക് കൂടുതല്‍ കരുത്തുപകരുമെന്നും മാതൃകാപരമായ പ്രവര്‍ത്തനം കാഴ്ചവയ്ക്കാന്‍ സഹായിക്കുമെന്നും സര്‍ക്കാര്‍ വിലയിരുത്തിയതിന്റെ അടിസ്ഥാനത്തിലാണ് എല്ലാ വര്‍ഷവും മികച്ച തദ്ദേശ സ്വയംഭരണ സ്ഥാപനങ്ങളെ തെരഞ്ഞെടുത്ത് ആദരിക്കാന്‍ തീരുമാനിച്ചത്. 1995-96 വര്‍ഷം മുതലാണ് മികച്ച ഗ്രാമപഞ്ചായത്തുകളെ സംസ്ഥാനതലത്തിലും ജില്ലാതലത്തിലും തെരഞ്ഞെടുത്ത് ട്രോഫിയും ക്യാഷ് അവാര്‍ഡും സാക്ഷ്യപത്രവും നല്‍കി ആദരിച്ചുവരുന്നത്. എന്നാല്‍ 1996-97 മുതല്‍ മഹാത്മജി വിഭാവനം ചെയ്ത ഗ്രാമസ്വരാജിനെ അനുസ്മരിച്ചുകൊണ്ട് ട്രോഫിയ്ക്ക് സ്വരാജ് ട്രോഫി എന്ന് നാമകരണം ചെയ്തു. 1999-2000 മുതല്‍ മുനിസിപ്പാലിറ്റികള്‍ക്കും 2000-01 മുതല്‍ ബ്ലോക്ക് പഞ്ചായത്ത്, ജില്ലാ പഞ്ചായത്ത്, മുനിസിപ്പല്‍ കോര്‍പ്പറഷന്‍ എന്നിവയ്ക്കും സ്വരാജ് ട്രോഫി ഏര്‍പ്പെടുത്തുകയുണ്ടായി. 2012-13 മുതല്‍ സംസ്ഥാനതലത്തില്‍ മികച്ച ഗ്രാമപഞ്ചായത്ത് കൂടാതെ രണ്ടും മൂന്നും സ്ഥാനം ലഭിക്കുന്ന ഗ്രാമപഞ്ചായത്തുകളെക്കൂടി  തെരഞ്ഞെടുക്കുന്നതിന് ഉത്തരവായി .

സംസ്ഥാനതലത്തില്‍ മികച്ച ഗ്രാമപഞ്ചായത്തിന് സ്വരാജ് ട്രോഫിയോടൊപ്പം 25 ലക്ഷം രൂപ പ്രത്യേക പദ്ധതി സഹായധനമായി  ലഭിക്കും കൂടാതെ രണ്ടും മൂന്നും സ്ഥാനം നേടുന്ന ഗ്രാമപഞ്ചായത്തുകള്‍ക്ക് 20 ലക്ഷം,15 ലക്ഷം എന്നീ ക്രമത്തില്‍ പ്രത്യേക പദ്ധതി ധനസഹായം 2012-13 മുതല്‍ നല്‍കുന്നതിന് ഉത്തരവായി  . ജില്ലാതലത്തില്‍ ഒന്നാം സ്ഥാനം നേടുന്ന ഗ്രാമപഞ്ചായത്തുകള്‍ക്ക് സ്വരാജ് ട്രോഫിയും പദ്ധതി സഹായധനമായി 10 ലക്ഷം രൂപ വീതവും രണ്ടാം സ്ഥാനം നേടുന്ന പഞ്ചായത്തുകള്‍ക്ക് സാക്ഷ്യപത്രവും കൂടാതെ പ്രത്യേക പദ്ധതി സഹായധനമായി 5 ലക്ഷം രൂപ വീതവും ലഭിക്കുന്നതാണ്. ഒന്നാം സ്ഥാനം നേടുന്ന മുനിസിപ്പാലിറ്റിക്കും ബ്ലോക്ക് പഞ്ചായത്തിനും സ്വരാജ് ട്രോഫിയും പദ്ധതി സഹായധനമായി 25 ലക്ഷം രൂപ വീതവും രണ്ടാം സ്ഥാനം നേടുന്ന സ്ഥാപനങ്ങള്‍ക്ക് 15 ലക്ഷം രൂപ വീതവും മൂന്നാം സ്ഥാനം നേടുന്ന സ്ഥാപനങ്ങള്‍ക്ക് 10 ലക്ഷം രൂപ വീതവും പദ്ധതി സഹായധനമായി ലഭിക്കുന്നതാണ്. മികച്ച മുനിസിപ്പല്‍ കോര്‍പ്പറേഷനേയും ജില്ലാ പഞ്ചായത്തിനേയും സ്വരാജ് ട്രോഫിയും സാക്ഷ്യപത്രവും നല്‍കി ആദരിക്കുന്നു.

സ്വരാജ് ട്രോഫിക്കര്‍ഹമായ തദ്ദേശ സ്വയംഭരണ സ്ഥാപനങ്ങള്‍

ഗ്രാമ പഞ്ചായത്തുകള്‍ (സംസ്ഥാന തലം)

വര്‍ഷം ഒന്നാം സ്ഥാനം രണ്ടാം സ്ഥാനം മൂന്നാം സ്ഥാനം
2012-13

കവിയൂര്‍ (പത്തനംതിട്ട)

ചെമ്പിലോട് (കണ്ണൂര്‍ )

നാദാപുരം (കോഴിക്കോട്)

ഗ്രാമ പഞ്ചായത്തുകള്‍ ‍ (ജില്ലാ തലം)

2012-13
ക്രമനമ്പര്‍ ജില്ല

ഒന്നാം സ്ഥാനം

രണ്ടാം സ്ഥാനം

1 തിരുവനനതപുരം ഇലകമണ്‍ പെരുംകടവിള
2 കൊല്ലം കുലശേഖരപുരം --
3 ആലപ്പുഴ കൃഷ്ണപുരം വീയപുരം
4 കോട്ടയം മരങ്ങാട്ടുപിള്ളി കരൂര്‍
5 ഇടുക്കി ഇരട്ടയാര്‍ --
6 എറണാകുളം മണീട് --
7 തൃശൂര്‍ ഏങ്ങണ്ടിയൂര്‍ അടാട്ട്
8 പാലക്കാട് ശ്രീകൃഷ്ണപുരം തിരുവേഗപ്പുറ
9 മലപ്പുറം പുലാമന്തോള്‍ --
10 കോഴിക്കോട് കായണ്ണ ബാലുശ്ശേരി

ബ്ലോക്ക്‌ പഞ്ചായത്തുകള്‍ (സംസ്ഥാന തലം)

വര്‍ഷം ഒന്നാം സ്ഥാനം രണ്ടാം സ്ഥാനം മൂന്നാം സ്ഥാനം
2012-13

മുതുകുളം ബ്ലോക്ക്‌ പഞ്ചായത്ത്‌ (ആലപ്പുഴ)

നിലമ്പൂര്‍ ബ്ലോക്ക്‌ പഞ്ചായത്ത്‌ (മലപ്പുറം)

ഇരിങ്ങാലക്കുട ബ്ലോക്ക്‌ പഞ്ചായത്ത്‌ (തൃശൂര്‍)

ജില്ലാ പഞ്ചായത്തുകള്‍

വര്‍ഷം ഒന്നാം സ്ഥാനം രണ്ടാം സ്ഥാനം മൂന്നാം സ്ഥാനം
2012-13

----

----

----

കോര്‍പ്പറേഷനുകള്‍

വര്‍ഷം ഒന്നാം സ്ഥാനം രണ്ടാം സ്ഥാനം മൂന്നാം സ്ഥാനം
2012-13

----

----

----

മുനിസിപ്പാലിറ്റികള്‍

വര്‍ഷം ഒന്നാം സ്ഥാനം രണ്ടാം സ്ഥാനം മൂന്നാം സ്ഥാനം
2012-13

----

----

----

ഉള്ളടക്കം‍

സ്വരാജ് ട്രോഫിക്കര്‍ഹമായ തദ്ദേശ സ്വയംഭരണ സ്ഥാപനങ്ങള്‍
Untitled Document
Website belongs to Local Self Government Department, Kerala, India
Developed and maintained by Information Kerala Mission, Network Services by State e-Governance Data Centre